Vandex veggjakrotseyðir / tússeyðir

Vandex er öflugt hreinsiefni fyrir ýmislegt veggjakrot, krass og úðabrúsalakk. Vandex efnið verður fljótt gelmyndað eftir að því er úðað úr brúsanum til þess að það tolli betur á staðnum sem verið er að vinna með.

Vandex er ætlað til að leysa upp veggjakrot í formi túss, lita, varalit, penna, bleks og lakks í úðabrúsum, athugið að lakk í úðabrúsum er missterkt og ekki er alveg víst að Vandex vinni á því allra sterkasta. Vandex má nota á gler, málningu, keramik, málma, trefjagler/plast og margt fleira.

Notkun:
Hristið brúsann mjög vel fyrir hverja notkun. Úðið jafnt á yfirborðið úr c.a. 20-30 cm fjarlægð. Leyfið efninu að liggja á í nokkrar mínutur til að ná virkni. Ef að blettir eru erfiðir má nota stífan bursta og hreinsið svo af með háþrýstibyssu.

Gott er að úða Vandex örlítið út fyrir veggjakrotið til þess að minnka skuggamyndun í jaðrinum.

Athugið! að öll svona leysiefni geta haft áhrif og mattað plast, málningu og vínil, sérstaklega ef að efnið er notað oft.

Við mælum með því að efnið sé prófað á litlum fleti áður en farið er í stærri aðgerðir.