Mildex-Q Myglueyðir – Notkunarleiðbeiningar

||Mildex-Q Myglueyðir – Notkunarleiðbeiningar

Mildex-Q Myglueyðir – Notkunarleiðbeiningar

Mildex-Q myglueyðandi hreinsiefni

Mildex-Q er sterkt myglueyðandi hreinsiefni sem inniheldur klór. Mildex-Q er notað í margskonar aðstæðum og er auðvelt í notkun. Við notkun á sterkum hreinsiefnum eins og Mildex-Q þarf að passa að ekki séu leifar af öðrum sápum og hreinsiefnum, ef svo er þá þarf að hreinsa það í burtu.

Þegar verið er að hreinsa myglu þarf að skoða það hvort að mikið er af henni og hvort að hún liggur í þykku lagi á yfirborðinu. Best er að hreinsa alla lausa myglu í burtu eins varlega og hægt er til að þyrla ekki upp myglugróinu að óþörfu. Súrefni og góð loftun er gríðarlega mikilvæg þegar kemur að því að halda myglu í skefjum.

Þvottavélar

Mildex-Q - Myglueyðandi hreinsiefni með klór

Mildex-Q – Myglueyðandi hreinsiefni með klór

  • Athugaðu hvort að það hefur myndast slím í sápuhólfi vélarinnar og/eða í þéttikannti þvottavélarinnar (dökkgrátt eða gulleitt slím).
  • Ef að slím hefur myndast, taka sápuboxið út (ef hægt er) og hreinsa uppsafnaðar sápuleifar innan úr hólfinu og sápuboxinu vel og vandlega í öll horn og kverkar.
  • Úðið Mildex-Q myglueyðinum inn í sápuhólfið og í sápuboxið og gott er að skrúbba vel (athugið að nota gúmmíhanska við þrifin) og gangið frá sápuboxinu á sinn stað.
  • Hreinsið þéttikanntinn og glerið á þvottavélinni sama máta.
  • Settu c.a. 3 dl af Mildex-Q myglueyðinum beint inn í þvottavélina (hella inn í vélina), stilltu þvottavélina á venjulegt prógramm 30-40°C og láta vélina í gang (vélin á að vera tóm). Þetta er gert til þess að Mildex-Q nái að fara um alla vélina og komast í snertingu við alla fleti.
  • Því næst á að setja vélina á suðuprógramm (mesta hita) þar sem sveppurinn á ekki að  lifa þann hita af.

Nánari upplýsingar um þvottavélar má sjá í greininni „Ólykt úr þvottavélum“ en í þeirri grein er farið ítarlegar í þau mál.

Uppvöskunarvélar

  • Þar sem hurðar á þvottavélum fellur að uppvöskunarvélinni sjálfri er oft þéttikanntur. Gott er að sótthreinsa þessa kannta reglulega til að koma í veg fyrir bakteríur og myglu. Úðið vel á kanntinn og strjúkið með rökum klút þar til yfirborðið er hreint.
  • Til að sótthreinsa uppvöskunarvélina að innan: Setjið 300 ml af Mildex-Q í botninn á vélinni og látið hana á stutta hreinsun.

Ísskápar

Mygla getur sest á þéttikannta á ísskápum og koma þar fram sem blettir dökkir að lit. Oft er hægt að taka þessa lista af ísskápshurðunum.

  • Úðið vel yfir þéttikanntana og passið að væta vel í kverkar og innfellingar á listanum. Skolið listann vel með vatni og þurrkið.
  • Sótthreinsun, hægt er að sótthreinsa ísskápa  með Mildex-Q, úðið vel inn í ísskápinn, látið standa í nokkrar mínútur og þrífið eða skolið svo vel eftir með vatni.

Gluggar

Í kverkar á gluggum íbúða eru oft kuldaskil og þar á raki það til að þéttast, þetta gerist oft í minni herbergjum sem sofið er í og eru lokuð eru að næturlagi (þéttist hraðar rakinn í þeim aðstæðum). Ef að myglan er orðin svört og mikið er af henni þá er best að hreinsa allt utanáliggjandi í burtu eins varlega og hægt er vætið pappírsþurrku með Mildex-Q og strjúkið til að þyrla ekki upp myglugróinu.

  • Úðið Mildex-Q yfir og látið standa í smá stund, og strjúkjið svo svo yfir með rökum klút, endurtakið eins 0g þörf er eða þar til svarti liturinn er farinn. Loftið vel um gluggann og rýmið.

Steinn og steypa (veggir og gólf)

  • Úðið yfir flötinn og látið standa og þorna, yfirleitt er ekki þörf á að þrífa steypu sérstaklega eftir notkun með Mildex-Q.

Timbur

  • Timbur er oft á tíðum mjög gljúpt efni, nauðsynlegt er að bleyta vel í timbrinu með Mildex-Q og láta það bara standa og þorna.

Tjöld og tjaldvagnar

  • Þegar Mildex-Q er notað til að hreinsa tjöld og tjaldvagna þá borgar sig alltaf að nota það á lítt sjáanlega staði á tjaldinu til að byrja með til að sjá hvernig efnið í tjaldinu bregst við þar sem Mildex-Q inniheldur klór þá getur það upplitað. Yfirleitt eru tjöld úr mjög sterkum tauefnum og mjög litföst. Það þarf einnig að hafa það í huga að þegar búið er að hreinsa með Mildex-Q þá þarf að rakaverja tjaldið aftur.

Bílar (teppi, sæti og bílbelti)

Þar sem við búum við stanslausar hitasveiflur á íslandi getur saggað inni í bílum sér í lagi ef að þeir standa lokaðir í talsverðan tíma og í þeim tilfellum þá myndast mygla enda þetta fullkomnar aðstæður fyrir það. Athugið Mildex-Q hentar ekki í öll þessi þrif þar sem efnið inniheldur klór og getur upplitað bómullarefni. Þess ber þó að geta að oftast eru teppi og bílbeltin úr mjög slitsterkum gerviefnum s.s. nælon og þar hentar Mildex-Q vel. En við bendur fólki ávallt á það að prófa Mildex-Q ávallt á lítt sjáanlegum stað þegar hreinsun fer fram.  En blettirnir sem koma undan myglunni eru ekki smekklegir t.d. á ljósum bílbeltum og í mjög mörgum tilfellum eyða hreinsiefnin ekki blettunum og oft er mjög erfitt að hreinsa þá í burtu nema með svona sterkum efnum eins og Mildex-Q.

Við bendum á að það er nauðsynlegt að skipta út frjókornasíunni í loftinntakinu á bílnum um leið og þessi hreinsun fer fram, það er nánast undantekningarlaust mygla í síunni ef hún er inni í bílnum og þú vilt ekki dreifa myglugróum með miðstöðinni sérstaklega eftir að þú ert búinn að þrífa allan bílinn.

  • Takið frjókornasíuna úr og hendið henni þar sem það er ekki hægt að þrífa þær (kaupið nýja frjókornasíu það er ekki mikill kostnaður).
  • Ræsið bílinn og setja miðstöðina á fullan kraft og láta hana taka útiloft
  • Úðið sótthreinsandi efni t.d. Virkon upplausn í loftinntakið í hvalbaknum og láta miðstöðina vera á miðlungshita þegar þetta er gert.

Mygla er agnarsmár sveppur, sveppurinn myndar gró sem svífa um í loftinu. Mygla kemur yfirleitt þar sem raki er og þrífst best í röku umhverfi. Vöxtur myglu er háður fjórum þáttum: æti, lofti, viðunnandi hitastigi og vatni.  Við bendum á að góðar upplýsingar um áhrif raka og myglu á heilsu manna á má nálgast á vef  Hús og Heilsa  en einnig eru upplýsingar á vefsíðu Umhverfisstofnunar.

Hjá Kemi færð þú úrval af hreinsiefnum til þess að eiga við myglu sem dæmi má nefna efnin Anti-Kim, Virkon og Rely+On Virkon sem eru mjög öflug myglueyðandi sótthreinsiefni. Verkefnin eru mismunandi, hafðu samband við sölumann hjá Kemi og fáðu frekari upplýsingar fyrir þitt verkefni.

 

2018-10-05T21:05:35+00:00Notkunarleiðbeiningar|