Það kemur ýmislegt í ljós þegar búið er að taka tjaldvagna og tjaldbúnað úr geymslum. Til dæmis “MYGLA” sem að er ótrúlegar leiðinlegur ferðafélagi. Mygla getur myndast ef að tjaldbúnaði er pakkað saman án þess að leyfa honum að þorna almennilega.

Það er alls ekki heilsusamlegt að sofa í mygluðu tjaldi, þú getur t.d. andað að þér myglugróinu. Slíkt getur valdið óþægindum í öndunarfærum, höfuðverk og almennum slappleika og jafnvel alvarlegum veikindum fyrir þá sem eru veikir fyrir í öndunarfærum og lungum. Myglu fylgir mjög oft óþefur s.s. fúkkalykt þó það sé ekki í öllum tilfellum.

Það getur verið miserfitt að þrífa myglu úr tjaldbúnaði, það fer eftir því á hvaða stigi myglan er og hversu dreifð hún er. Þegar myglan er orðin kolsvört og blettir út um allt kallar það á allsherjar þrif með sterkum myglueyðandi efnum. Eftir slík þrif er nauðsynlegt að þurrka tjaldbúnaðinn vel og lofta mjög vel um tjöldin.

Hvernig á að þrífa myglaðan tjaldbúnað?

Mildex-Q myglueyðandi hreinsiefni

Öflugasta efnið sem við eigum til að hreinsa myglu heitir Mildex-Q myglueyðir. Mjög sterkt myglueyðandi efni sem að inniheldur klór, en klórinn hjálpar til við að eyða svörtu blettunum eftir mygluna sem oft á tíðum virðast nánast fastir í tjöldunum. Mildex-Q myglueyðirinn vinnur gríðarlega vel á þessum blettum og nær þeim í flestum tilfellum úr við fyrstu þrif, þó getur þurft að endurtaka þrifin í einhverjum tilfellum ef að tjaldið er mjög myglað og mikil svört mygla komin í það.

Við höfum leiðbeint ótrúlegum fjölda fólks undanfarin ár við þrif á myglu í tjaldvögnum og í langflestum tilfellum öðlast tjaldið og tjaldvagninn nýtt líf. Hér fyrir neðan eru ráð sem gætu nýst þér við undirbúning á þínum búnaði.

  1. Úðið Mildex-Q yfir svæði sem á að meðhöndla og látið standa í 5-15 mínútur.
  2. Stundum er þörf á því að þrífa tjaldbúnað að innanverðu líka þó svo að það sé ekki eins algengt.
  3. Skolið vel með köldu eða volgu vatni.
  4. Ef að það eru ennþá blettir í tjaldinu, endurtakið lið 1,2 og 3.
  5. Látið tjaldið þorna mjög vel.
  6. Rakaverjið flötinn, og vel í kringum sauma og rennilása. ATH! ef ekki er sett vatnsvörn þá er það öruggt að það lekur inn í tjaldið.

Hér má sjá fleiri gerðir sótthreinsiefna:

 

Vatnsvörn fyrir tjaldbúnað og útivistarbúnað

Það þarf alltaf að vatnsverja tjaldbúnað eftir svona öflug þrif því hreinsiefnin leysa upp vatnsvörnina. Vatnsvörn veðrast af með tímanum, hvort sem um er að ræða sól, rigningu eða vind. Það er mjög góð regla að vera með það sem part af undirbúningi ferðaársins að vatnsverja tjöld og eða allavega alla sauma og meðfram rennilásum, Það byrjar oftast að smita með saumum og rennilásum og þeim flötum sem verða mest fyrir veðri og vindum. Það vill enginn vakna holdvotur um miðja nótt.

Kostnaður við að vatnsverja er ekki mikill en það eykur einnig endingu tjaldannar. Vatnsvarnarefni er hægt að fá víðsvegar í sérverslunum og útivistarverslunum, hjá Kemi færð þú m.a. eftirfarandi efni sem hjálpa þér við að vatnsverja tjöld og útivistarbúnað.

 

 

Almenn þrif á tjaldvögnum og hjólhýsumCleaner Degreaser Olíu- og Sóthreinsir 946 ml

Við erum með gott úrval af hreinsiefnum sem og bónvörum sem henta á plastefni eins og er í tjaldvögnum og hjólhýsum. Cleaner Degreaser frá Oil Eater hefur verið vinsælt. Cleaner Degreaser hentar gríðarlega vel til þess að þrífa öll plastefni og þar af leiðandi frábært í ferðavagna, báta og margt fleira sem er úr plasti. Ef að þú ert í allsherjar þrifum þá mælum við hiklaust með því að þú kippir með þér Oil Eater Cleaner Degreaser.

Svo má nota Cleaner Degreaser á útigrillið, felgurnar, gólfið í skúrnum og svo margt fleira, Cleaner Degreaser er bara alger snilld í brúsa.

Lyktareyðing

Við eigum til gott úrval af lyktareyðandi hreinsiefnum sem henta vel í tjaldvagninn og tjaldið

>>>SMELLTU HÉR TIL AÐ SKOÐA ÖLL LYKTAREYÐANDI HREINSIEFNI<<<

Athugið – Notkun á efnavörum!

Við notkun á mildri eða sterkri efnavöru á tau- og gerviefni ýmiskonar, prófaðu þau fyrst lítt sjáanlegu svæði til að sjá hvernig efnið bregst við. Það skiptir engu máli frá hvaða framleiðanda hreinsiefnið er. Lestu ALLTAF leiðbeiningar og fylgdu þeim, það er ástæða fyrir leiðbeiningum á vörum almennt.

Það er ekki gott að framkvæma þrif almennt í beinu sólarljósi þar sem sólin flýtir uppgufun efna og þar af leiðandi verður minni virkni í þeim efnum sem þú notar.

Ef að þú ert í vafa með notkun efnanna þá ekki hika við að hringja í sölumann Kemi í síma 415 4000 eða senda okkur tölvupóst á kemi@kemi.is eða bara líta við í verslun okkar að Tunguhálsi 10, við tökum vel á móti þér.