Motorola talstöð XT420 PMR m/hleðslutæki

Vörulýsing

Motorola XT420 er leyfisfrjáls PMR446-talstöð fyrir atvinnunotkun á verkstæðum, byggingarsvæðum, í vöruhúsum, á hótelum og við viðburði. Hún er skjálaus og stýrist með tveimur hnúðum ofan á tækinu, hljóðstyrkshnúð með rofa og 16-staða rásarvali, svo nýr starfsmaður kemst á rétta rás án þjálfunar. Hleðslubakki og aflgjafi fylgja stöðinni.

Innbyggði hátalarinn skilar 1.500 mW og heyrist í vélarhljóði og umferðarnið. Rásatilkynning les upp heiti rásarinnar þegar skipt er um, svo þú getur látið stöðina hanga í beltinu. Velja má úr 16 innbyggðum rásaheitum á tíu tungumálum eða hlaða inn eigin hljóðupptöku, til dæmis með nafni deildar. Hliðarhnapparnir tveir eru forritanlegir og eru sjálfgefið stilltir á Monitor og Scan.

Stöðin er byggð fyrir slark. Hún er með IP55-vörn gegn ryki og vatnsbunu, hönnuð samkvæmt MIL-STD-810 C, D, E, F og G og fer í gegnum Accelerated Life Testing hjá Motorola sem hermir eftir allt að fimm ára notkun. Yfirborð hússins er með örveruhemjandi húð, sem skiptir máli þegar stöðvar ganga milli manna á vaktaskiptum. Loftnetið er fast og losnar því ekki í vinnunni.

Rafhlaðan er 3,7 V Li-Ion og gefur allt að 20 klukkustundir með orkusparnaði á. Samskiptin fara fram á 16 PMR446-rásum með 219 persónukóðum, 38 CTCSS og 181 DCS, sem draga úr truflunum frá öðrum sem eru á sömu tíðni. Motorola gefur upp drægni allt að 16.250 m², 13 hæðir eða 9 km í sjónlínu. Þetta eru hámarkstölur við bestu aðstæður og steypa, stál og landslag stytta drægnina umtalsvert.

Tæknilegar upplýsingar

Tengdir aukahlutir og varahlutir

Vörur merktar með striki eru ekki í vefversluninni. Framleiðandanúmerin eru gefin upp til glöggvunar og þú getur haft samband ef þig vantar aukahlut sem þú finnur ekki hér.

Athugaðu að XT420 notar 2-pinna aukahlutatengi Motorola, sama tengi og DP1400, XTNi og CP040. Heyrnartól og hljóðnemar fyrir TLKR-línuna, svo sem T82 og T92, nota 2,5 mm tengi og passa ekki á XT420.