Um okkur

Saga Kemi

Fyrirtækið var stofnað árið 1994 af Daða Hreinssyni í þeim tilgangi að markaðssetja efnavörur og smurefni. Reksturinn hefur alla tíð gengið vel og vaxið jafnt og þétt. Í lok árs 2006 seldi stofnandinn félagið til fjölskyldufélagsins Hólmsteins Helgasonar ehf. Undir nýrri stjórn jukust umsvifin talsvert og árið 2008 flutti fyrirtækið í núverandi húsnæði að Tunguhálsi 10 í Reykjavík.

Um mitt ár 2014 var félagið selt á ný, til núverandi eigenda sem allir hafa áralanga reynslu í atvinnurekstri. Markmið eigenda er að halda áfram uppbyggingu félagsins og efla enn frekar vöruval og þjónustu við viðskiptavini.

Umsvif félagsins hafa aukist jafnt og þétt, bæði með innri vexti og uppkaupum á öðrum fyrirtækjum. Velta félagsins á árinu 2025 var rúmir 3 milljarðar og starfsmenn í fullu starfi voru 57 talsins.

Kemi hefur í mörg ár verið í hópi Framúrskarandi fyrirtækja hjá Creditinfo, sem er skýrt merki um heilbrigðan og arðsaman rekstur. Félagið hefur jafnframt sýnt samfélagslega ábyrgð með því að styrkja íþrótta- og góðgerðamál víða um land.