WD-40 keðjuolía Wet Lube fyrir reiðhjól

WD-40 BIKE Wet Lube keðjuolía 100 ml

WD-40 BIKE Wet Lube er keðjuolía fyrir blautar og forugar aðstæður — sem sagt fyrir íslenskt veður mestan hluta ársins. Hún myndar slitsterka smurfilmu sem tollir á keðjunni þótt hjólað sé í rigningu, slabbi og drullu, og hrindir frá sér vatni og óhreinindum.

Blaut olía endist mun lengur í bleytu en þurr olía, en á móti kemur að hún er klístraðari og dregur frekar til sín sand þegar þornar. Í þurru og rykugu veðri er þurr keðjuolía betri kostur.

Flaskan er 100 ml dropaflaska með mjóum stút, ekki úðabrúsi — þú setur einn dropa á hvern hlekk og hittir því nákvæmlega þar sem olían á að vera.

Helstu kostir

• Slitsterk smurfilma sem tollir í rigningu og drullu
• Hrindir frá sér vatni og óhreinindum
• Endist mun lengur en þurr keðjuolía í bleytu
• Dregur úr sliti á keðju, tannhjólum og snældu
• Dropaflaska gefur nákvæma skömmtun á hvern hlekk
• Hentar fyrir reiðhjól og rafhjól

Hentar vel á

• Keðjur
• Skiptara að framan og aftan
• Snúningspunkta og liði
• Barka og gírstýringar

Leiðbeiningar um notkun

1. Hreinsaðu keðjuna fyrst með fituhreinsi fyrir reiðhjól og láttu hana þorna.
2. Snúðu pedölunum afturábak og settu einn dropa á hvern hlekk á innri hlið keðjunnar.
3. Snúðu pedölunum nokkra hringi og skiptu í gegnum gírana svo olían smjúgi inn í hlekkina.
4. Láttu standa í nokkrar mínútur.
5. Þurrkaðu alla umframolíu vandlega af með klút — það sem situr utan á keðjunni safnar bara drullu.

Tæknilegar upplýsingar

Tæknigögn eru úr opinberu gagnablaði framleiðandans. Öryggisblað (SDS) fæst hjá okkur sé þess óskað.