Hálkuborði mótanlegur gulur

Vörulýsing

Heskins Conformable Safety-Grip H3406Y er gulur, sjálflímandi hálkuborði sem mótast eftir riffluðum málmflötum — tárustáli, þrepum, göngupöllum og aðkomupöllum. Gróft áloxíðyfirborðið gefur mikið grip undir skóm, líka í bleytu, og guli liturinn sker sig vel frá dökku stáli.

Burðarlagið er mjúk álþynna en ekki plast. Álið teygist ekki og hefur enga fjöðrun, svo borðinn er sleginn niður í mynstur undirlagsins og heldur þeirri lögun. Þannig dregur hann úr hættu á að hálkuvörnin lyftist upp úr rifflum og dældum, sem er algengi gallinn þegar venjulegur hálkuborði er lagður á tárustál.

Undirlagið þarf að vera hreint, þurrt og fitulaust við ásetningu. Heskins mælir með ásetningu við 10 °C eða hærra hitastig og að borðinn sé mótaður að undirlaginu með gúmmíkylfu.

Helstu eiginleikar

• Mótast eftir tárustáli, rifflum og ójöfnum málmflötum
• Álburðarlag án fjöðrunar — lyftist ekki aftur upp úr mynstrinu
• Grófkorna áloxíðyfirborð með háum núningsstuðli, þurrt og blautt
• Sterkt akrýllím, viðloðun við stál yfir 2000 g/25,4 mm²
• Þolir −40 °C til +160 °C og stenst eldþolsprófun CAA/FAA spec 8
• Hentar jafnt innandyra og utandyra

Breiddir

Guli borðinn fæst hér í þremur breiddum: 25, 50 og 75 mm. Rúllulengd er 18,3 m.

Almennar breiddir í þeim litum sem eru í boði eru 25, 50 og 75 mm. Fleiri breiddir fást sem sérpöntun.

Litir

Mótanlegi Safety-Grip borðinn er almennt framleiddur í fimm litum. Talan á eftir RAL-númerinu er ljósendurkast yfirborðsins (LRV) — því meiri sem munurinn er á LRV borðans og undirlagsins, því betur sést hálkuvörnin.

• Svartur (H3406N) — RAL 9004, LRV 0, 36 grit
• Gulur (H3406Y) — RAL 1023, LRV 37,5, 36 grit
• Svartur/gulur viðvörunarborði (H3406D) — RAL 9017 og 1003, LRV 0 og 43,5, 36 grit
• Appelsínugulur (H3406O) — RAL 2004, LRV 18,3, 60 grit — sérpöntun
• Hvítur (H3406W) — RAL 9003, LRV 72,3, 100 grit — sérpöntun

Aðrir RAL- og Pantone-litir eru framleiddir eftir pöntun og ráðast af magni. Hafðu samband ef þig vantar annan lit eða aðra breidd.

Tæknilegar upplýsingar

Núningsstuðull er mældur samkvæmt EN 16165:2021 með pendúlaðferð BS 7976-2 hjá óháðri rannsóknarstofu og viðloðun við stál samkvæmt PSTC-4. Tölurnar eru dæmigerð framleiðslugildi.

Svona er borðinn lagður