Hleðsluskápur PowerStor (PWR2)

Vörulýsing

Armorgard PowerStor PWR2 er læsanleg hleðslugeymsla fyrir rafhlöður, eingöngu ætluð til notkunar utandyra. Hún sameinar skipulagt hleðslurými, loftræstingu, hitastýringu, viðvörunarkerfi og sjálfvirkt slökkvikerfi.

Hillurnar bera allt að 100 kg hver þegar álagi er jafnt dreift. Afhent útfærsla er með tenglum fyrir Evrópumarkað; vörumyndir geta sýnt breska tengla. GSM-tilkynningar eru háðar útfærslu og uppsetningu.

Helstu eiginleikar

• 32 rafmagnstenglar á fimm föstum hillum.
• 230–240 V, 32 A aðfæðing og lekastraumsvörn.
• Hita- og reykskynjun með hljóð- og ljósviðvörun.
• Sjálfvirkt F.I.R.E.E. slökkvikerfi og vararafhlaða fyrir öryggisbúnað.
• Vifta, hitastýring og lýsing.
• Tvær fimmstangarlæsingar, lyftivasar og lyftiaugu.
• Orkumörk samkvæmt handbók: 16 kWh samtals, að hámarki 4.000 Wh á hverja rafhlöðu.

Tæknilegar upplýsingar

• Utanmál (breidd × dýpt × hæð): 2158 mm × 2037 mm × 2100 mm.
• Þyngd: 540 kg.

Uppsetning og notkun

1. Komið geymslunni fyrir utandyra á stöðugu, láréttu undirlagi, fjarri flóttaleiðum. Framleiðandi mælir með 3 m frá byggingum, aldrei minna en 1 m, og minnst 1 m auðu rými framan við útblástur.
2. Látið hæfan aðila staðfesta rafmagnstengingu og tengingu við brunaviðvörunarkerfi staðarins samkvæmt handbók. Hlaðið vararafhlöðu í 48 klukkustundir fyrir fyrstu notkun.
3. Notið aðeins óskemmdar rafhlöður og viðeigandi upprunaleg hleðslutæki. Hafið minnst 200 mm á milli rafhlaðna og farið ekki yfir tilgreind orkumörk.
4. Hafið hurðir lokaðar. Notið ekki fjöltengi inni í geymslunni og geymið þar ekki önnur eldfim efni.
5. Fylgið skoðunar- og viðhaldsáætlun öryggiskerfa. Lyftið aðeins tómri, lokaðri og læstri geymslu.
6. Við brunaviðvörun: haldið ykkur frá geymslunni, opnið hana ekki og hringið í 112.