Bílaperur – Finndu réttu peruna í bílinn þinn út frá bílnúmeri hér að ofan.

Fjölbreytt úrval hágæða bílapera fyrir flestar gerðir ökutækja. Þú getur fundið rétta peru í bílinn þinn út frá bílnúmeri í varahlutaleitinni hér að ofan sem sparar tíma og tryggir fulla samhæfni við hvert ökutæki.

Bílaperur gegna lykilhlutverki í öryggi og sýnileika ökutækja, bæði fyrir ökumann og aðra vegfarendur. Rétt lýsing tryggir góða sjón í myrkri, við erfiðar veðuraðstæður og gerir ökutækið sýnilegt í umferðinni. Bílaperur eru notaðar í aðalljós, stöðuljós, stefnuljós, bremsuljós, þokuljós og innilýsingu og hver pera hefur sitt hlutverk og kröfur um ljósstyrk og lit.

Þarf ég að skpta um báðar perur á sama tíma?

Ef um er að ræða aðalljósaperurnar að framan eða aftan eða þokuljós þá mælum við eindregið með því að skipta um báðar perurnar á sama tíma þar sem þær eru með sama líftíma. Einnig má nefna að perur dofna eftir því sem þær eldast og því er ljósmagnið í eldri perum minna en í nýjum perum þannig að það getur orðið mismunandi lýsing frá bílnum.

Má snerta peruna sjálfa með fingrunum?

Stutta svarið við því er “Nei”. Þegar þú snertir glerið á perunni með fingrunum þá skilur þú eftir húðfitu á glerinu. Þegar peran er í notkun einangrar húðfitan peruna sem veldur meiri hita innanvert í þeirri peru og styttir líftíma hennar töluvert mikið.

Þess vegna mælum við með því að þú notir hanska þegar þú skiptir um peruna og forðist það í lengstu lög að snerta peruna sjálfa.