Sea Foam Motor Treatment fyrir eldsneytiskerfi og vélar
Sea Foam Motor Treatment er hreinsandi og smyrjandi bætiefni sem sett er í eldsneyti eða smurolíu bensín- og dísilvéla. Það losar útfellingar í eldsneytiskerfinu, smyr efri hluta strokka og ver eldsneyti gegn niðurbroti í geymslu. Sea Foam hefur verið framleitt í Bandaríkjunum síðan 1942.
Hvernig virkar Sea Foam?
Með tímanum safnast kolefni, lakk og gúmmíkenndar leifar fyrir í eldsneytiskerfi, spíssum, blöndungum og brunahólfum. Í smurolíukerfinu myndast seyra sem getur hindrað olíuflæði. Afleiðingin getur verið erfið gangsetning, ójafn lausagangur og minni afköst. Sea Foam er blanda af jarðolíubundnum hreinsi- og smurefnum sem:
- leysir upp leifar og útfellingar í spíssum og blöndungum,
- vinnur á útfellingum á stimplum og í brunahólfi þegar það berst þangað með eldsneytinu,
- smyr efri hluta strokka,
- ver eldsneyti gegn uppgufun og myndun gúmmí- og lakkleifa í geymslu,
- losar seyru og leifar í smurolíukerfinu fyrir olíuskipti.
Í vélum með beinni innspýtingu (GDI) fer eldsneytið beint inn í brunahólfið og nær því ekki að hreinsa inntaksventlana. Þar er Sea Foam Spray rétta leiðin, sjá kaflann um hvar ekki á að nota Motor Treatment hér fyrir neðan.
Þrjár leiðir til að nota efnið
- Í eldsneytistank: til reglulegs viðhalds og hreinsunar á eldsneytiskerfinu.
- Í smurolíu: 160–480 km fyrir olíuskipti, til að losa seyru og leifar áður en olían er tæmd.
- Í eldsneyti fyrir geymslu: til að verja ferskt eldsneyti í tækjum sem standa lengi, til dæmis sláttuvélum, snjóblásurum, bátum og mótorhjólum yfir veturinn.
Efnið má nota í bensín, bensín með etanólblöndu (til dæmis E10), dísilolíu og lífdísilblöndur, og í bæði hefðbundna og alsyntetíska smurolíu. Það hentar jafnt tvígengis- og fjórgengisvélum. Í tvígengisvélum kemur það ekki í stað tvígengisolíu.
Skömmtun
| Notkun | Skammtur | Dæmi |
|---|---|---|
| Reglulegt viðhald og stöðgun eldsneytis | Um 7,8 ml á lítra eldsneytis | 390 ml í 50 l |
| Hreinsun eldsneytiskerfis | Minnst 15,6 ml á lítra eldsneytis | 156 ml í 10 l |
| Smurolía fyrir olíuskipti | Um 31 ml á lítra smurolíu, ekki meira | 125 ml í 4 l |
Ein 473 ml flaska dugar í um 60 lítra eldsneytis við viðhaldsskammt. Hreinsunarskammturinn á aðeins við um eldsneyti, ekki smurolíu. Þegar efnið fer í smurolíu þarf að gæta þess að olíuhæðin fari ekki yfir hámarksmerkingu á kvarðanum.
Hversu oft?
- Bílar og léttir atvinnubílar í reglulegri notkun: í eldsneytistankinn á um 4.800 km fresti.
- Önnur tæki í reglulegri notkun: viðhaldsskammtur minnst á þriggja mánaða fresti.
- Tæki sem standa lengi: í hverja áfyllingu, á meðan eldsneytið er ferskt.
- Smurolía: einu sinni fyrir hver olíuskipti, 160–480 km áður en skipt er um olíu og olíusíu.
Þegar eldsneyti er meðhöndlað fyrir geymslu er vélin látin ganga nógu lengi til að meðhöndlaða eldsneytið berist alla leið í gegnum spíssa eða blöndung.
Hvar á ekki að nota Motor Treatment?
Sea Foam Motor Treatment er eingöngu ætlað í eldsneyti og smurolíu.
- Ekki í loftinntak eða soggrein. Hellið efninu hvorki í inngjafarhús, lofttúðu né lofttæmisslöngur. Til að hreinsa inntaksventla og brunahólf bensínvéla er notað Sea Foam Spray, sem leitt er inn með meðfylgjandi slöngu.
- Ekkert Sea Foam í loftinntak dísilvéla. Sea Foam Spray er eingöngu fyrir bensínvélar.
- Ekki í AdBlue-tank.
- Ekki í stað viðgerðar. Bætiefni lagar ekki slitna eða skemmda hluti. Ef vélin gengur enn illa eftir meðferð þarf bilanagreiningu.
Hvaða vélum hentar það?
Bensín- og dísilvélum í fólksbílum, jeppum og atvinnubílum, vinnuvélum, dráttarvélum, mótorhjólum og smávélum eins og sláttuvélum og snjóblásurum. Fyrir utanborðsmótora og önnur bensínknúin sjótæki er líka til Sea Foam Marine Pro, sem er sérstaklega ætlað bátum.
Hvers má vænta?
Þegar útfellingar eru orsök vandans getur regluleg notkun stuðlað að:
- auðveldari gangsetningu,
- jafnari lausagangi,
- betra viðbragði við inngjöf,
- hreinni bruna og minni eldsneytisnotkun.
Sea Foam er viðhalds- og hreinsiefni og virkar best sem hluti af reglulegu viðhaldi, ekki sem skyndilausn.
Öryggi og meðhöndlun
Sea Foam Motor Treatment er mjög eldfimur vökvi. Það ertir húð, getur valdið alvarlegri augnertingu, sljóleika og svima, og getur verið banvænt ef það er gleypt og berst niður í lungu.
- Notið utandyra eða á vel loftræstum stað, fjarri hita, neistum og opnum eldi. Reykið ekki.
- Notið hanska og augnhlífar og forðist að anda að ykkur gufunni.
- Berist efnið í augu: skolið varlega með vatni í nokkrar mínútur og leitið læknis ef ertingin hverfur ekki.
- Berist efnið á húð: farið strax úr menguðum fatnaði og skolið húðina með vatni. Leitið læknis ef ertingin hverfur ekki.
- Sé efnið gleypt: framkallið ekki uppköst og hafið strax samband við Eitrunarmiðstöð í síma 543 2222 eða lækni.
- Geymið í vel lokuðum upprunalegum umbúðum á svölum, vel loftræstum stað þar sem börn ná ekki til.
- Hellið afgangi aldrei í niðurföll. Skilið leifum og umbúðum á móttökustöð fyrir spilliefni.
Sæktu öryggisblaðið fyrir Sea Foam Motor Treatment (PDF, á ensku). Það er líka á vörusíðunni.
Mælt með
Kynningarmyndbönd frá framleiðanda
Myndböndin eru á ensku og sýna þrjár helstu notkunarleiðirnar: í eldsneyti, í smurolíu og til að verja eldsneyti í geymslu.
