Þvottavélar
Settu c.a. 3 dl af Mildex-Q myglueyðinum beint inn í þvottavélina (hella inn í vélina), stilltu á hefðbundna stillingu en ekki heitara en 30°C og settu vélina í gang (vélin á að vera tóm). Þetta er gert svo Mildex-Q nái að fara um alla vélina og í snertingu við alla fleti.
Því næst á að setja vélina á suðuprógram (mesta hita) því sveppurinn á ekki að lifa þann hita af.
Nánari upplýsingar um þvottavélar má sjá í greininni “Ólykt úr þvottavélum” en í þeirri grein er farið ítarlegar í þau mál.
Uppþvottavélar
Mildex-Q myglueyðir hentar vel til að sótthreinsa og mygluhreinsa þéttikanta á uppþvottavélum. Úðið vel á kantinn og strjúkið með rökum klút þar til yfirborðið er hreint.
Til að sótthreinsa uppþvottavélina að innan: Setjið 300 ml af Mildex-Q í botninn á vélinni og látið hana á stutta hreinsun.
Ísskápar
Mygla getur sest á þéttikanta á ísskápum og kemur þar fram sem dökkir blettir. Oft er hægt að taka þessa lista af ísskápshurðunum.
Hægt er að sótthreinsa ísskápa með Mildex-Q. Úðið vel inn í ísskápinn, látið standa í nokkrar mínútur og þrífið eða skolið svo vel eftir með vatni.
Gluggar
Í kverkar á gluggum íbúða eru oft kuldaskil og þar á raki til að þéttast, þetta gerist oft í minni herbergjum sem sofið er í og eru lokuð eru að næturlagi (þéttist hraðar rakinn í þeim aðstæðum). Ef myglan er orðin svört og mikið er af henni þá er best að hreinsa allt utanáliggjandi í burtu eins varlega og hægt er. Vætið pappírsþurrku með Mildex-Q og strjúkið til að þyrla ekki upp myglugróinu.
Úðið Mildex-Q yfir og látið standa í smá stund, strjúkið yfir með rökum klút, endurtakið eins og þörf er eða þar til svarti liturinn er farinn. Loftið vel um gluggann og rýmið.
Steinn og steypa (veggir og gólf)
- Úðið yfir flötinn og látið standa og þorna, yfirleitt er ekki þörf á að þrífa steypu sérstaklega eftir notkun með Mildex-Q.
Timbur
Timbur er oftast mjög gljúpt efni, nauðsynlegt er að bleyta vel í timbrinu með Mildex-Q myglueyðinum og láta efnið þorna á timbrinu. í sumum tilfellum er betra að fara fleiri en eina umferð á timbrið.
Tjöld og tjaldvagnar
Þegar Mildex-Q myglueyðir er notaður til að hreinsa tjöld og tjaldvagna þá borgar sig alltaf að nota það á lítt sjáanlegu svæði á tjaldinu til að byrja með. Ástæðan fyrir því er að sjá hvernig efnið í tjaldinu bregst við því Mildex-Q inniheldur klór sem getur upplitað það. Yfirleitt eru tjöld úr mjög sterkum tauefnum og mjög litföst. Þegar búið er að hreinsa með Mildex-Q þarf að rakaverja tjaldið aftur.
Bílar (teppi, sæti og bílbelti)
Þar sem við búum við stanslausar hitasveiflur á íslandi getur saggað inni í bílum sér í lagi ef að þeir standa lokaðir í talsverðan tíma. Í þeim tilfellum þá getur myndast mygla enda eru þetta fullkomnar aðstæður fyrir það. Athugið að Mildex-Q hentar ekki í öll þessi þrif þar sem efnið inniheldur klór og getur upplitað bómullarefni. Þess ber þó að geta að oftast eru teppi og bílbelti úr mjög slitsterkum gerviefnum s.s. nælon og þar hentar Mildex-Q vel. En við bendum fólki ávallt á það að prófa Mildex-Q ávallt á lítt sjáanlegum stað þegar hreinsun fer fram. Ef myglublettir hverfa ekki með notkun hefðbundinna hreinsiefna, t.d. á ljósum bílbeltum, þá hafa þau ekki náð að vinna á blettunum og því oft mjög erfitt að hreinsa þá í burtu nema með sterkum efnum eins og Mildex-Q.
Loftstokkar í bílum
Ef ólykt kemur úr miðstöðinni þegar þú ert að ræsa bílinn þá getur mögulega verið raki og/eða jafnvel mygla í frjókornasíunni með tilheyrandi ólykt/fúkkalykt. Það borgar sig að skipta reglulega um frjókornasíu til að koma í veg fyrir þetta vandamál.
- Takið frjókornasíuna úr og hendið henni þar sem það er ekki hægt að þrífa þær.
- Úðið sótthreinsandi efni t.d. Virkon upplausn í loftinntakið og látið miðstöðina vera á miðlungshita þegar þetta er gert.
- Ræsið bílinn og setjið miðstöðina á fullan kraft, miðlungshita og gætið þess að miðstöðin sé stillt á að taka inn útiloft.
Mygla, fljótt á litið
Mygla er agnarsmár sveppur og myndar gró sem svífa um í loftinu. Mygla kemur yfirleitt þar sem er raki og þrífst best í þannig umhverfi. Vöxtur myglu er háður fjórum þáttum: æti, lofti, viðunandi hitastigi og vatni. Við bendum á að góðar og gagnlegar upplýsingar um áhrif raka og myglu á heilsu manna á má nálgast á vef ýmissa verkfræðistofa og fyrirtækja sem sérhæfa sig í greiningu og þrifum á myglu. Einnig eru góðar upplýsingar á vefsíðu Umhverfisstofnunar.
Hjá Kemi, Tunguhálsi 10 og í vefverslun okkar færð þú úrval af hreinsiefnum til þess að eiga við myglu. Sem dæmi má nefna efnin Anti-Kim, Virkon og Rely+On Virkon sem allt eru mjög öflug myglueyðandi sótthreinsiefni. Verkefnin eru þó afar mismunandi og ef þú ert í einhverjum vafa þá skaltu ekki hika við að hafa samband við sölumann Kemi og fá frekari upplýsingar fyrir þitt verkefni.
