Virkon S Sótthreinsiefni

afar öflugt breiðvirkt veirueyðandi sótthreinsiefni í duftformi, efnið er með víðtæka virkni. Áhrifaríkt á hrufótt yfirborð, kalkríkt vatn, við lágan hita og á erfið lífræn óhreinindi. Virkon S er kjörið fyrir hesthús sem og öll önnur gripahús, yfirborð, tækjabúnað, vatnskerfi og sótthreinsun á loftrýmum. Virkon S er mikið notað af hestamönnum og konum til þess að sótthreinsa allan búnað sem notaður er í hestamennsku.

Virkon S er einnig kjörið til að nota í sótthreinsandi skóbað eða sótthreinsandi meðferð á skófatnaði og í sótthreinsimottur.

Virkon S er alhliða sótthreinsiefni með víðtæka virkni og fjölbreytt notkunarsvið. Innihaldsefni þess er kalíumvetnissúlfat (oxandi efni), súlfamínsýra, efni til að halda sýrustigi réttu, yfirborðsvirk efni, ólífræn sölt, ilm- og litarefni. Samverkandi áhrif innihaldsefna Virkon S tryggja einstakan áhrifamátt og efnafræðilegan stöðugleika efnisins og skýra þol þess gagnvart lífrænum óhreinindum auk þess sem efnið fer betur með áhöld og tæki en önnur oxandi sótthreinsiefni.

NOTKUN SÓTTHREINSIEFNA

• Notið sótthreinsiefni á ábyrgan hátt.
• Lesið allar leiðbeiningarnar vandlega fyrir notkun.
• Geymist vel lokað á svölum, þurrum stað.
• Lokið alltaf vel eftir notkun.
• Hreinsið fötuna vel með vatni eftir notkun og fargið á viðeigandi hátt (duftafgöngum og umbúðum skal komið til spilliefnamóttöku til eyðingar).
• Komið í veg fyrir að vökvi eða vökvablanda lendi í niðurföllum eða vatnsrásum.
• Blandið ekki við önnur efni en þau sem framleiðandi mælir með.
• Áður en borið er á málmyfirborð skal hreinsa yfirborðið með hreinu vatni.
• Hreinsið vel tuskur eða annað sem notað er til að bera lausnina á eftir notkun.
• Óvarðir einstaklingar skulu ekki fara inn í rými sem verið er að sótthreinsa fyrr en allur úði hefur örugglega verið leystur upp.