Gólfborði PermaStripe 50mm sjálflýsandi

Vörulýsing

PermaStripe gólfborði í sjálflýsandi útfærslu, 50 mm breiður, er sjálflímandi merkiborði frá Heskins í 30 metra rúllu. PermaStripe er þykkasta útfærslan í Perma-línu Heskins — 1,3 mm með skáskornum brúnum — og sú sem framleiðandi gefur lengsta ábyrgð á, þrjú ár skilyrt.

Sýnileiki þegar lýsingin fer

Sjálflýsandi útfærslan heldur áfram að sjást þegar rafmagnið fer eða lýsing bregst. Hún er notuð til að halda gönguleiðum, tröppubrúnum og útgönguleiðum læsilegum í myrkri, þar sem venjuleg merking hverfur.

Á myndinni sýnist rúllan bleikleit. Það er hlífðarpappírinn á bakhliðinni sem er litaður og glittir í gegnum efnið — hann er dreginn af við lögn og fylgir ekki merkingunni á gólfinu.

Varan ber vörunúmerið H6901X-050 og tilheyrir PermaStripe H6901 vörulínunni. Ein rúlla gefur 30 lengdarmetra áður en tekið er tillit til skurðar og samskeyta. Gerðu ráð fyrir viðbótarmagni þegar merkja þarf mörg horn eða stutta búta.

Helstu kostir

• 1,3 mm heildarþykkt fyrir hörðustu umferð: lyftara, brettatjakka og gangandi umferð.
• Skáskornar brúnir svo hjól renni upp á borðann í stað þess að reka sig á hann.
• Sjálflýsandi duft í gegnum allt efnið — merkingin heldur áfram að sjást eftir að ljósin slokkna.
• Enginn þurrktími og engin leysiefni — svæðið er tekið í notkun um leið og borðinn er kominn niður.
• Þrjú ár í skilyrtri ábyrgð framleiðanda, lengst af Perma-línunum.

Þegar þykkt skiptir máli

Þykkt ein og sér er ekki kostur; þykkur borði sem er rangt byggður verður kantur sem hjól rekast á og lyftist fyrr en þunnur borði. Það sem gerir 1,3 mm efni nothæft á gólfi er samspil brúnar, efnis og líms: brúnin er sneidd niður í flöt, filman er stíf og límlagið er 0,2 mm — þykkara en á þynnri línunum, sem þarf til að stífari filma fylgi ójöfnu gólfi.

Yfirborðið er mynstrað. Mynstrið gefur fótfestu og felur rispur, en það hefur líka rifur sem óhreinindi setjast í. Þar sem hreinlætiskröfur eru strangar — matvælavinnsla, lyfjaiðnaður, hreinrými — býður Heskins PermaStripe Smooth, sama efni með sléttum fleti. Hafðu samband við Kemi um þá útfærslu.

Tæknilegar upplýsingar

Tæknigögn: Heskins H6901 PermaStripe, tækniblað frá 26. apríl 2024. Gildi eru viðmiðunargildi fyrir vörulínuna og niðurstöður prófana jafngilda ekki tryggðri viðloðun á öllum gólfefnum. Litir á skjá geta vikið frá raunlit vörunnar; Pantone- og RAL-gildin eru viðmiðunin. Fyrir sjálflýsandi útfærsluna (H6901X) gefur Heskins hvorki upp RAL-, Pantone- né ljósendurvarpsgildi og enga tölu um eftirglóð; almennu gildin í töflunni eiga við vörulínuna H6901.

Hleðsla og eftirglóð

Sjálflýsandi efni geymir ljós og skilar því aftur í myrkri. Borðinn þarf því að vera í lýstu rými til að hlaðast og glóðin dofnar eftir því sem líður á myrkrið — hann kemur ekki í staðinn fyrir neyðarlýsingu heldur styður við hana. Hafðu þetta í huga við staðsetningu: merking undir hillum eða búnaði fær litla hleðslu og glóir eftir því.

Heskins gefur ekki upp eftirglóðarflokk (t.d. samkvæmt DIN 67510) fyrir þessa útfærslu og hún er ekki sett fram sem vottuð flóttaleiðamerking. Þar sem gerð er krafa um vottaða merkingu flóttaleiða á Egress-lína Heskins (H8101) við — hafðu samband við Kemi.

Undirbúningur og uppsetning

Vel undirbúið yfirborð er forsenda góðrar viðloðunar. Skipuleggðu línur og afmörkun áður en límt er niður og prófaðu fyrst á litlu svæði ef óvissa er um undirlagið.

1. Fjarlægðu lausar leifar og hreinsaðu ryk, olíu og fitu. Láttu yfirborðið þorna alveg.
2. Mældu og merktu legu borðans. Gættu þess að merkingar stangist ekki á við umferð eða opnun hurða.
3. Leggðu borðann niður án þess að teygja hann. Fjarlægðu hlífðarpappírinn smám saman og forðastu að snerta límflötinn.
4. Þrýstu jafnt yfir alla breiddina með þrýstivalsi og vandaðu sérstaklega frágang við enda og samskeyti.
5. Yfirfarðu viðloðun og frágang áður en svæðið er tekið í fulla notkun.

Ráðlagt hitastig við álagningu er 10 °C eða hærra. Á gljúpu eða lausu undirlagi þarf að meta undirbúning og mögulega grunnun sérstaklega. Ekki dæma verkið út frá fyrstu klukkustundinni — viðloðunin heldur áfram að byggjast upp eftir lögn.

Umhirða og ending

Haltu merkingum hreinum og skoðaðu reglulega svæði þar sem hjól fara yfir enda eða samskeyti. Skemmdan kafla má skera burt og endurnýja á staðnum í stað þess að endurmerkja allt svæðið. Ekki draga bretti eða annan búnað eftir borðanum; ábyrgð framleiðanda nær ekki yfir hluti sem eru dregnir, ýtt eða skrapað eftir merkingunni.

Aðrar breiddir, litir og form

PermaStripe fæst einnig í 75 mm og 100 mm rúllum og í fimmtán lita línu, auk útskorinna forma, örva, stafa og talna. Þær útfærslur eru sérpöntun. Á yfirlitssíðu PermaStripe eru allir litir línunnar með RAL- og Pantone-gildum, og á yfirlitssíðu gólfmerkinga má bera Perma-línurnar fjórar saman. Gólfmerkingar og gólfborðar frá Heskins eru í langflestum tilfellum sérpöntun; afhendingartími er 7–10 virkir dagar frá staðfestri pöntun til framleiðanda.